Epaimahaia Mari Eli Ituarte Zarragoikoetxea udal zinegotziak, Malen Amenabar Larrañaga ilustratzaileak eta Asier Beltza Erein-eko kideak osatu dute.
Aho batez aukeratu dute Azkarragaurizarren proposamena:” ‘Puta gorda’ narrazioak kontatzen duena, zoritxarrez, gaurkotasun handia daukan gaia da, eta arriskua zegoen literalki interpretatu eta horretara lerrokatzeko. Berak, ordea, estereotipoetan erori gabe egindako proposamena aurkeztu du. Testua irakurrita istorioa “ikusi” egiten zela esaten bagenuen, ilustrazioen gehigarriarekin are bisualagoa bihurtu da, erabat nabarmen geratu gabe. Malen Amenabarrek dioen legez, Azkarragaurizarren ilustrazioak organikoak dira”.
Helena Azkarragaurizar Jauregi (Arrasate, 1992) marrazkilaria eta diseinatzailea da. Arte Ederretan graduduna da. Halaber, diseinuaren arloko ikasketa osagarriak egin ditu. Bere lanari buruzko informazio gehiago https://helenaazkarragaurizar.com
Peru Abarka Album Lehiaketa 